[A] [B-E] [Ə] [F-İ] [K-M] [M] [M-P] [R] [S] [Ş-T] [V-Z]

ŞAKİR YUSUBOV

Şakir Şıxı oğlu Yusubov 1959-cu il avqustun 14-də Bolnisi rayonunun Dəmirli kəndində anadan olmuşdur. 1966-1974-cü illərdə Dəmirli kənd 8 illik məktəbində, 1974-1976-cı illərdə Darvaz kənd orta məktəbində oxumuş, orta məktəbi qızıl medalla bitirmiş, 1976-cı ildə Azərbaycan Dövlət Universitetinin mexanika riyaziyyat fakültəsinə qəbul olunmuşdur. 1981-ci ildə oranı müvəffəqiyyətlə bitirmiş, tə’yinatla Azərbaycan EA Kibernetika İnstitutuna mühəndis vəzifəsinə göndərilmişdir. 1984-cü ildə ADU-nun (indiki BDU-nun) mexanika riyaziyyat fakültəsindəki "Diferensial və inteqral tənlklər" kafedrasında əyani aspiranturaya qəbul olmuş və 1987-ci ildə aspiranturanı bitirmişdir. 1988-ci ildən 1995-ci ilə qədər tə’yinatla Bakı Dövlət Universitetinin fizika fakültəsinin riyaziyyat kafedrasında laboratoriya müdiri vəzifəsində işləmişdir.

1992-ci ildə "Hiperbolik tənliklərlə təsvir olunan sistemlər üçün optimal idarəetmə nəzəriyyəsinin bə’zi məsələləri haqqında" dissertasiya işini müdafiə edib elmləri namizədi elmi dərəcəsinə layiq görülmüşdür. 25 elmi məqalənin müəllifidir. 1995-ci ildən BDU-nun fizika fakültəsinin riyaziyyat kafedrasında baş müəllim vəzifəsində işləyir.

ŞAMİL İSMAYILOV

Şamil Osman oğlu İsmayıdov 1950-ci il mayın 15-də Bolnisi rayonunun Ayorta kəndində kəndli ailəsində anadan olmuşdur. 1962-1965-ci illərdə Marneuli internat məktəbində oxumuş, 1967-ci ildə isə Akaurt kənd orta məktəbini bitirmişdir.

Həmin ildə də Azərbaycan Xalq Təsərrüfatı institutunun (indiki ADİU-nun) uçot-iqtisad fakültəsinə daxil olmuşdur. 1972-ci ildə həmin institutun "Ümumiqtisad" fakültəsini fərqlənmə diplomu ilə bitirmişdir.

1972-1973-cü illərdə hərbi xidmətdə olmuşdur.

1972-ci ildə "İqtisadi kibernetika" kafedrasının hesablama mərkəzində mühəndis-iqtisadçı-proqramist vəzifəsində əmək fəaliyyətinə başlamış və 1975-ci ildə həmin kafedranın aspiranturasına (qiyabi şö’bə) qəbul olunmuşdur.

1982-ci ildə dissertasiya işini müdafiə etmiş və 1983-cü ildə iqtisad elmlər namizədi elmi dərəcəsinə layiq görülmüşdür.

1984-cü ildən Azərbaycan Politexnik İnstitutunda (indiki Azərbaycan Texniki Universitetində) çalışır. "İqtisadi-riyazi metodlar və modellər", "Ekonometrika və proqnozlaşdırma" və s. fənnlər üzrə mühazirələr aparır.

İki metodiki göstəriş və 15-dən çox elmi əsərlərin müəllifidir.

Şamil İsmayılov beynəlxalq və respublika səviyyəli 10-a yaxın konfranslarda çıxış etmiş, məqalələr çap etdirmişdir. O, eyni zamanda "Borçalı" cəmiyyəti idarə hey’ətinin üzvüdür.

ŞAMİL ORUCOV

Şamil Oruc oğlu Orucov 1929-cu ildə Borçalının Faxralı kəndində anadan olmuşdur. 1937-ci ildə Faxralı kənd orta məktəbinə daxil olmuş, 1948-ci ildə həmin məktəbi bitirmişdir. 1950-1953-cü illərdə hərbi xidmətdə olmuşdur. Tərxis olunduqdan sonra 1954-cü ildən 1957-ci ilə qədər Faxralı kəndindəki kitabxananın müdiri işləmişdir. 1954-cü ildə Azərbaycan Politexnik İnstitutunun "Avtomobil nəqliyyatı" fakültəsinə daxil olmuş, 1959-cu ildə həmin fakültəni bitirmişdir. Ailə vəziyyətilə əlaqədar olaraq Şamil Orucov institutda oxuduğu vaxt paralel olaraq Azərbaycan Dəmir yol İdarəsinin ambarında təchizatçı işləmişdir. 1959-cu ildən isə həmin müəssisənin təchizat və nəqliyyat şö’bəsində böyük mühəndis, 1961-ci ildə texniki şö’bənin mühəndisi işləmişdir. Şamil Orucov 1962-ci ildə Azərbaycan SSR Tikinti Nazirliyinin maddi texniki bazasında nəqliyyat şö’bəsinin rəisi vəzifəsini icra etmişdir. 1964-cü ildə Azərbaycan SSR EA-nın İqtisadiyyat institutunun aspirantı olmuşdur. 1967-ci ildə EA-nın İqtisadiyyat İnstitutununda kiçik elmi işçi işləmişdir.

1967-ci ildə dissertasiya müdafiə etmişdir. 1968-ci ildə Azərbaycan SSR Dövlət Plan Komitəsinin İqtisadiyyat İnstitutuna keçmiş və burada böyük mühəndis-iqtisadçı vəzifəsində işləmişdir. 1968-ci ilin sonunda Xalq Təsərrüfatı sahələrinin yerləşdirilməsi sektoruna müdir vəzifəsinə irəli çəkilmişdir. Həmin ildən də Azərbaycan Xalq Təsərrüfatı İnstitutunun iqtisadi planlaşdırma kafedrasına müqavilə yolu ilə müəllim düzəlmişdir. 1971-ci ildən 1997-ci ilə qədər Azərbaycan Xalq Təsərrüfatı İnstitutunda dosent vəzifəsində işləmişdir. 1983-cü ildə iqtisadiyyatın təşkili və planlaşdırılması kafedrasına müdir tə’yin olunmuşdur. Şamil Orucovun elmi və pedaqoji fəaliyyəti 35 elmi məqalədə və 3 kitabda, 17 tezis-məruzələrdə öz əksini tapmışdır. Bunlardan başqa 10 kitabı redaktə etmiş və bir neçə aspiranta elmi rəhbər olmuşdur.

Şamil Orucov 1997-ci ildə vəfat etmişdir.

ŞAKİR XƏLİLOV

Şakir Xəlil oğlu Xəlilov 1948-ci il dekabrın 13-də Bolnisi rayonunun Əsmələr kəndində kolxozçu ailəsində anadan olmuşdur. İbtidai təhsilini həmin kənddə almış, Qoçulu orta məktəbini bitirmişdir. 1966-cı ildə Azərbaycan Dövlət Pedaqoji İnstitutun fizika fakültəsinə daxil olmuşdur. 1970-ci ildə həmin fakültəni ə’la qiymətlərlə bitirdiyindən Ali və Orta ixtisas Təhsili Nazirliyinin tə’yinatı ilə APİ-də işə başlamışdır. Fakültə Elmi Şurasının qərarı ilə aspiarnturaya daxil olmağa zəmanət verilmişdir. "Ümumi fizika və astronomiya" kafedrasında baş laborant işləmiş, 1971-ci ildə həmin kafedra üzrə "Molekulyar fizika" ixtisası üzrə ə’yani aspiranturaya daxil olmuşdur. 1972-1973-cü illərdə 1 il hərbi xidmətdə qulluq etmişdir. O, mayelərin istilik-fiziki xassələrinin tədqiqi ilə məşğul olmuş, 1979-cu ildə Qroznı şəhərində "Mürəkkəb efir və onların karbohidrogenlərinin özülülüyünə tə’sirinin müxtəlif təzyiq və temperaturda tədqiqi" adlı elmi işini dissertasiya şəklində müdafiə etmiş, texnika elmləri namizədi elmi dərəcəsi almışdır. O, 40-a qədər elmi məqalələrin və elmi metodik göstərişlərin müəllifidir. Dəfələrlə beynəlxalq, respublika elmi konfranslarında və simpoziumlarda dərin məzmunlu çıxışlar etmişdir.

O, aspiarnturanı qurtardıqdan sonra əvvəlcə baş laborant, müəllim, baş müəllim işləmiş, 1988-ci ildən Azərbaycan Dövlət Pedaqoji Universitetinin mexanika və molekulyar fizika kafedrasında dosent vəzifəsində işləyir. 1989-cu ildən 1999-cu ilə kimi fizika fakültəsinin dekan müavini, dekan əvəzi, kafedra müdiri əvəzi işləmişdir. İşlədiyi dövrdə dəfələrlə rektorluğun təşəkkürünə, fəxri fərmanlarına, Bakı şəhər Partiya komitəsinin fəxri fərmanına layiq görülmüşdür.

Hal-hazırda Azərbaycan Dövlət Pedaqoji Universitetinin mexanika və molekulyar fizika kafedrasında dosent vəzifəsində çalışır. "Mürəkkəb mayelərin özlülüyü və quruluşu" mövzusunda doktorluq dissertasiyası üzərində işləyir.

ŞAHBƏDDİN MUSAYEV

Şahbəddin Cabbar oğlu Musayev 1952-ci il dekabrın 19-da Bolnisi rayonunun Saraclı kəndində anadan olmuşdur. 1969-cu ildə Saraclı orta məktəbinin ə’la qiymətlərlə başa vurub, həmin ildə Bakı Dövlət Universitetinin geologiya fakültəsinə daxil olmuşdur. 1974-cü ildə geologiya fakültəsini fərqlənmə diplomu ilə bitirib Şimali Qafqaz Geologiya İdarəsinə tə’yinat almışdır.

1975-ci ildən 1985-ci ilə qədər Dövlət Geologiya və Mineral ehtiyyatlar Komitəsində mühəndis, şö’bə rəisinin müavini, şö’bə rəisi vəzifələrində işləmişdir. 1985-1990-cı illərdə Sovetlər İttifaqının "Zarubejnıgeologiya" birliyinin Əlcəzair, Liviya, Nigeriya ölkələrində fəaliyyət göstərən "Saxara" kontraktında baş geoloq vəzifəsində çalışmışdır. 1984-cü ildə "Kiçik Qafqazın Mərkəzi hissəsinin filizliliyinin perspektivliyi" mövzusunda namizədlik dissertasiyası müdafiə etmiş, elmlər namizədi elmi dərəcəsi almışdır. 50-yə yaxın elmi məqalənin və elmi-texniki hesabatların müəllifidir. 1993-cü ildən "Azərqızıl" Dövlət Şirkətinin baş geoloqu işləyir. 1989-cu ildən Birləşmiş Millətlər Təşkilatının "Təbii resursların" öyrənilməsi üzrə inkişaf proqramının ekspertlər qrupunun üzvüdür.

Şahbəddin Musayev 10 ittifaq və respublika konfranslarının iştirakçısı olmuş, məqalələr çap etdirmişdir.

ŞƏMİSTAN HƏSƏNLİ

Şəmistan Mahmud oğlu Həsənli 1939-cu ildə Bolnisi rayonunun Aşağı Qoşakilsə kəndində anadan olmuşdur. 1953-cü ildə kənd məktəbinin 8-ci sinfini bitirdikdən sonra təhsilini Arıxlı orta məktəbində davam etdirmişdir. 1956-cı ildə Azərbaycan Dövlət Universitetinin fizika fakültəsinə daxil olmuşdur. 1957-ci ildən təhsilini Leninqrad (indiki Sankt-Peterburq) Universitetinin fizika fakültəsində davam etdirmiş və 1962-ci ildə oranı bitirmişdir. İlk əmək fəaliyyətinə Sovet Hərbi Dəniz donanmasına aid olan "Morfizpribor" elmi-tədqiqat institutunda başlamışdır. 1967-ci ildə Leninqrad Fizika-texniki institutuna aspiranturaya daxil olmuş, 1971-ci ildə dissertasiya müdafiə etmiş fizika-riyaziyyat elmləri namizədi elmi dərəcəsinə layiq görülmüşdür. 1971-1990-cı illərdə Leninqrad Politexnik Universitetinin "Fiziki polimerlər və dielektriklər" kafedrasında pedaqoji fəaliyyətlə bərabər elmi tədqiqat işləri ilə də məşğul olmuşdur. Hal-hazırda Azərbaycan EA Fizika İnstitutunda aparıcı elmi işçi işləyir. Elmi-tədqiqat işləri ilə bərabər müxtəlif özəl universitetlərdə dərs deyir. İran İslam respublikasının Təbriz üniversiteti ilə birgə elmi-tədqiqat işləri ilə bərabər yerli aspirantların hazırlanmasında fəal iştirak edir. 80-dən çox elmi əsər və məqalələrin və 6 ixtiranın müəllifidir. Məqalələrinin əksəriyyəti keçmiş SSSR-in mərkəzi jurnallarında, Türkiyə və Almaniyada çıxan jurnallarda çap edilmişdir. İran İslam respublikasının Təbriz, İsfahan, Pakistan İslam respublikasının İslamabad şəhərlərində keçirilən elmi konfranslarda məqalələrlə iştirak etmiş və konfransın materiallarında çap edilmişdir.

Hazırda güclü mühərrik və generatorları, transformatorları, elektrik stansiyalarını, məişət avadanlaqlılarını kommutasiya cərayanlarından, ildırım çaxmadan qorumaq üçün yaradılan cihazın üzərində fəaliyyət göstərir, ilk sınaq nümunələrinin müəllifidir.

ŞƏMSİ BAYRAMLI

Şəmsi Paşa oğlu Bayramlı 1937-ci ildə Borçalının Aşağı Qoşakilsə kəndində anadan olmuşdur.

Şəmsi Bayramlı 1945-1952-ci illərdə Qoşakilsə kənd 8 illik məktəbində oxumuşdur. O, məktəbi ə’la qiymətlərlə bitirdikdən sonra 1952-ci ildə Marneuli Dövlət Pedaqoji Texnikumuna daxil olmuş və texnikumu 1956-cı ildə fərqlənmə diplomu ilə bitirmişdir. Elə həmin ildə Azərbaycan Dövlət Pedaqoji İnstitutunun kimya-biologiya fakültəsinə qəbul olunmuşdur. 1961-ci ildə institutu fərqlənmə diplomu ilə bitirdikdən sonra Azərbaycan Elmlər Akademiyasının Qeyri-Üzvi və Fiziki Kimya İnstitutuna (QÜFKİ) işə qəbul olunmuş və uzun müddət bu institutda görkəmli alim, Akademik Həbib Şahtaxtlının rəhbərliyi altında elmi tədqiqat işlərilə məşğul olmuşdur.

Şəmsi Bayramlı 1964-1966-cı illərdə institutun aspiranturasında oxumuşdur. O, 1969-cu ildə "Alunit filizinin kompleks e’malı zamanı qələvi metal sulfatlarının çıxarılması şəraitinin tədqiqi" mövzusunda dissertasiya müdafiə edərək kimya elmləri namizədi elmi dərəcəsinə layiq görülmüşdür. O, institutda 1969-cu ildən kiçik elmi işçi, 1973-1978-ci illərdə baş elmi işçi, 1979-1986-cı illərdə isə laboratoriya müdiri vəzifələrini tutmuşdur. 1977-ci ildə Şəmsi Bayramlı Azərbaycan EA Rəyasət Hey’ətinin qərarı ilə Moskva İdarəetmə İnstitutu yanında xüsusi fakültənin 1 illik ixtisaslaşdırma kursunda oxumağa göndərilmiş, həmin kursu ə’la qiymətlərlə başa vurduqdan sonra müvəffəqiyyətlə diplom işi müdafiə edərək "Elmi tədqiqatların idarə olunmasının təşkili" ixtisası üzrə müvafiq diplom almışdır.

QÜFKİ-də işlədiyi illərdə o, Müdafiə Şurasının üzvü və elmi katibi, Poliqrafiya və Kitab Ticarəti üzrə SSRİ Dövlət Komitəsi "Kimya" nəşriyyatının Azərbaycan üzrə Redaksiya Hey’ətinin üzvü və elmi katibi, habelə Azərbaycan EA Rəyasət Hey’əti yanında "Ovuntu metallurgiyası" Koordinasiya Şurasının elmi katibi vəzifələrini icra etmişdir.

Şəmsi Bayramlı 1987-ci ildə Azərbaycan EA Kosmik Tədqiqatlar Elm İstehsalat Birliyində işə keçərək orada 1991-ci ilin axırınadək elmi fəaliyyətini davam etdirmişdir.

1992-ci ildən Şəmsi Bayramlı Azərbaycan Respublikası Dövlət Hidrometeorologiya İnstitutunda işləyir. Hazırda o, həmin institutun elm üzrə direktor müavini vəzifəsini daşıyır və həm də Komitənin Elmi-Metodiki Şurasının sədr müavinidir.

ŞURƏDDİN MƏMMƏDLİ

Şurəddin Bahəddin oğlu Məmmədli 1956-cı ildə Bolnisi rayonunun Kolayır kəndində anadan olmuşdur.

1963-cü ildə kənd orta məktəbini 1-ci sinfinə getmiş, 1973-cü ildə həmin məktəbi bitirmiş və A.S. Puşkin adına (indiki S.S. Orbeliani adına) Tbilisi Dövlət Pedaqoji Universitetinin filologiya fakültəsinə daxil olmuşdur. 1977-ci ildə həmin fakültəni bitirib əmək fəaliyyətinə başlamışdır.

1977-ci ildən Gürcüstan Dövlət Televiziya və Radio Verilişləri Komitəsində tərcüməçi, 1984-cü ildən "Sovet Gürcüstanı" (indiki "Gürcüstan") qəzeti redaksiyasında müxbir, mədəniyyət və ədəbiyyat şö’bəsinin müdiri işləmişdir. Hazırda "Gürcüstan" qəzeti redaksiyasında şö’bə müdiri işləməklə yanaşı, həm də Tbilisi Dövlət Pedaqoji Universitetində, Tbilisi Humanitar Universitetində, Gürcüstan Dövlət Teatr İnstitutunda, Tbilisi Cümə məscidi nəzdindəki mədrəsədə mühazirələr oxuyur.

1988-ci ildə Azərbaycan EA Nizami adına Ədəbiyyat İnstitutunda "XIX əsr gürcü mətbuatında Azərbaycan ədəbiyyatı məsələləri" mövzusunda dissertasiya müdafiə edərək, filologiya elmləri namizədi elmi dərəcəsi almışdır. Hazırda "Borçalı ədəbi mühiti: qaynaqları, təşəkkülü, inkişafı (1920-ci ilə qədər)" mövzusunda doktorluq dissertasiya işini tamamlamışdır.

Şurəddin Məmmədlinin elmi və pedaqoji fəaliyyəti 100 elmi, elmi-publisistik materiallarda, o cümlədən: 6 kitab, bir neçə dərs vəsaiti və metodiki göstərişdə öz əksini tapmışdır.

Şurəddin Məmmədli bu müddətdə beynəlxalq, keçmiş ittifaq və respublika səviyyəli kofranslarda iştirak etmişdir.

TAPDIQ ƏHMƏDOV

Tapdıq Qurbanəli oğlu Əhmədov 1934-cü il sentyabr ayında Borçalı mahalının Bolus nümayəndəliyinin Babakişilər kəndində (Musopriani) anadan olmuşdur. 1941-ci ildə orta məktəbin 1-ci sinfinə getmiş, 1953-cü ildə məktəbi bitirmiş və Azərbaycan Dövlət Universitetitetinin fizika-riyaziyyat fakültəsinə daxil olmuşdur. 1958-ci ildə ADU-da ali təhsilini başa vurmuş, aspiranturaya daxil olmuşdur. 1964-cü ildə aspiranturada təhsilini başa vuraraq namizədlik dissertasiyası müdafiə etmişdir. Tapdıq Əhmədov aspirant dövründən Azərbaycan Xalq Təsərrüfatı İnstitutunda çalışır. 1967-ci ildə institutunun riyaziyyat kafedrasında dosent vəzifəsinə seçilmişdir.

Tapdıq Əhmədov keçmiş ittifaqın və respublikanın bir sıra ali məktəblərində və elm ocaqlarında keçirilən 20-ə yaxın konfrans və müşavirələrdə yaxından iştirak edərək, elmi məqalələr çap etdirmişdir. Tapdıq Əhmədovun elmi əsərləri əsasən Bakıda, Dağıstanda və Moskva şəhərində çap olunmuşdur. Tapdıq Əhmədov hazırda Azərbaycan Dövlət İqtisad Universitetində Riyaziyyat kafedrasında dosent kimi elmi-pedaqoji fəaliyyətini davam etdirir.

Tariyel Nəbi oğlu Hüseynov 1943-cü ildə Bolnisi rayonunun Saraclı kəndində anadan olmuşdur.

1950-ci ildə Saraclı kənd orta məktəbinin 1-ci sinfinə getmiş, 1960-cı ildə həmin məktəbi gümüş medalla bitirmişdir. 1965-ci ildə Azərbaycan Politexnik İnstitutunda maşınqayırma texnologiyası, metalkəsən dəzgahlar və alətlər ixtisası üzrə təhsilini başa vurmuşdur.

1966-1969-cu illərdə böyük mühəndis vəzifəsində, 1969-1980-ci illərdə AzTU-da assistent, 1980-1993-cü illərdə baş müəllim işləmişdir. 1992-ci ildə Moskvada Avtomexanika İnstitutunda "Mexaniki və Fiziki-Texniki emal prosesləri dəzgah və alət" ixtisası üzrə namizədlik dissertasiyası müdafiə etmişdir. 1993-cü ildə həmin kafedranın dosenti seçilmişdir.

Tariyel Hüseynov işlədiyi bu müddət ərzində beynəlxalq və respublika səviyyəli 10-dan artıq konfranslarda çıxış etmiş, məqalələr çap etdirmişdir. Onun elmi və pedaqoji fəaliyyəti 20 elmi əsərdə və bir neçə metodiki göstərişdə öz əksini tapmışdır.

Tariyel Hüseynov hal-hazırda Azərbaycan Texniki Universitetində dosent vəzifəsində elmi-pedaqoji fəaliyyətini davam etdirir.

TAHİR MƏSİMOV

Tahir Xuda oğlu Məsimov 1949-cu ildə Borçalının Bolnisi rayonunun Sarallar kəndində anadan olmuşdur.

1956-cı ildə Bolnisi şəhər orta məktəbinin 1-ci sinfinə getmiş, 1966-cı ildə həmin məktəbi bitirmişdir.

1966-1967-ci illərdə Azərbaycan Dövlət Universitetinin (indiki BDU-nun) şərqşünaslıq fakültəsinə qiymət balının çatışmamazlığı nəticəsində daxil ola bilməmiş, bir müddət Bakı neft-maşınqayırma zavodunda əmək fəaliyyətinə başlamışdır.

1968-ci ildə indiki ADPU-nun psixologiya və pedaqoqika fakültəsinin axşam şö’bəsinə daxil olsa da müəyyən səbəblərdən təhsilini davam etdirə bilməmişdir.

1971-ci ildə BDU-nun filologiya fakültəsinə daxil olmuş və 1976-cı ildə həmin fakültəni fərqlənmə diplomu ilə başa vurmuşdur. İki il müəllim iqlədikdən sonra, 1978-ci ildə Azərbaycan EA Nizami adına Ədəbiyyat İnstitutunun aspiranturasına qəbul olmuş, 1985-ci ildə namizədlik dissertasiyası müdafiə edərək filologiya elmləri namizədi elmi dərəcəsinə layiq görülmüşdür.

Tahir Məsimov 1978-1990-cı illərdə Ədəbiyyat İnstitutunda baş laborant, kiçik elmi işçi, elmi işçi və baş elmi işçi vəzifələrində çalışmışdır.

1987-1991-ci illərdə SSRİ EA M.Qorki adına ədibiyyat İnstitutunda doktoranturada oxumuş, 1991-ci ildə Bakıya qayıtmış və Azərbaycan Elmlər Akademiyasının Nizami adına İnstitutunda elmi fəaliyyətini davam etdirmişdir.

Tahir Məsimovun elmi fəaliyyəti 30 elmi və elmi-publisistik məqalədə və 1 monoqrafiyada öz əksini tapmışdır. O, 10 ittifaq və respublika səviyyəli elmi konfranslarda iştirak etmiş, məqalələr çap etdirmişdir.

Tahir Məsimov elmi fəaliyyətlə yanaşı respublikanın ictimai-siyasi həyatında da fəal iştirak edir.

TEYMUR İBRAHİMOV

Teymur Mustafa oğlu İbrahimov 1944-cü ildə Bolnisi rayonunun Gibircik kəndində anadan olmuşdur. 1960-cı ildə həmin rayonun Darvaz orta məktəbini bitirmişdir. 1961-ci ildə Azərbaycan Kənd Təsərrüfatı İnstitutunun "Kənd təsərrüfatının mexanikləşdirilməsi" fakültəsinə qəbul olunmuşdur. 1963-cü ildə hərbi xidmətə getmiş və 1966-cı ildə tərxis olunmuşdur. 1969-cu ildə institutu müvəffəqiyyətlə bitirmiş, mühəndis-mexanik ixtisası almışdır.

Tə’yinatla Göyçay rayonunda kənd təsərrüfatının mexanikləşdirilməsi texnikumunda müəllim işləmişdir. 1970-ci ildə Azərbaycan Elmi-Tədqiqat Kənd Təsərrüfatının Mexanikləşdirilməsi institutunun nəzdində aspiranturaya daxil olmuşdur. Aspiranturanı bitirdikdən sonra həmin institutda kiçik və baş elmi işçi vəzifələrində işləmişdir.

Dissertasiya işini 1981-ci ildə müvəffəqiyyətlə müdafiə edərək texnika elmləri namizədi elmi dərəcəsi almışdır.

Dissertasiya işinin dəyərli elmi nəticələri respublikamızın dağlıq rayonlarının təsərrüfatlarında tətbiq olunmuş və Volqoqrad traktor zavodunda dağ yamacları üçün traktorların yaradılmasında istifadə edilmişdir.

Teymur İbrahimov hal-hazırda Azərbaycan Dövlət Kənd Təsərrüfatı Akademiyasının kənd təsərrüfatı maşınları kafedrasında dosent vəzifəsində çalışır. O, 65 elmi və metodiki əsərlərin, o cümlədən 8 ixtiranın müəllifidir. İxtiralarından birinə Bolqarıstan Xalq Respublikasında müəlliflik şəhadətnaməsi verilmişdir. Onun elmi və metodiki əsərləri tədris prosesində tələbələr tərəfindən geniş istifadə olunur.

Teymur İbrahimov bir sıra beynəlxalq konfransların iştirakçısı olmuş və məqalələr çap etdirmişdir.

TEYMUR QARA (QARAYEV)

Teymur Əsəd oğlu Qarayev 1948-ci il iyunun 2-də Bolnisi rayonunun Aşağı Güləver kəndində anadan olmuşdur. 1955-1963-cü illərdə doğulduğu kənddə 8 illik təhsil almış, 1963-1966-cı illərdə Darvaz kənd orta məktəbində orta təhsilini tamamlamışdır.

1966-1970-ci illərdə A.S. Puşkin adına Tbilisi Dövlət Pedaqoji İnstitutunun Azərbaycan dili və ədəbiyyatı fakültəsində oxumuş, ali təhsilli filoloq ixtisası üzrə diplom almışdır. 1970-1971-ci illərdə Aşağı Güləver kənd 8 illik məktəbində müəllimlik etmişdir. 1974-cü ilin sentyabrından Azərbaycan Elmlər Akademiyası Nəsimi adına Dilçilik İnstitutunun "Türk dillərinin müqayisəli tədqiqi" şö’bəsində işə başlamışdır.

1975-1978-ci illərdə SSRİ Elmlər Akademiyası Şərqşünaslıq İnstitutunun Leninqrad bölməsindəki "Türk-monqol" kabinetində akademik A.N. Kononovun aspirantı olmuşdur. 1981-ci ildə "Gürcüstan ərazisinin Azərbaycan şivələrindəki qədim türk sözlərinin tarixi-linqvistik təhlili" mövzusunda namizədlik dissertasiyası müdafiə etmişdir.

1982-ci ildən dil tarixi problemləri üzrə işləyir. 1983-1984-cü illərdə radio dalğalarında səslənən "Bulaq" verilişinin müəlliflərindən biri olmuşdur. 60-dan çox bədii, elmi mövzulu məqalənin müəllifidir. Teymur Qaranın çap olunmuş 45 elmi əsəri bilavasitə Türk və Türkçülüyün tarixinə aiddir. Hal-hazırda "Dil tarixi" şö’bəsində böyük elmi işçi vəzifəsində çalışır.

TEYMUR İSMAYILOV

Teymur İsmayıl oğlu İsmayılov Bolnisi rayonunun Senebi kəndində anadan olmuşdur.

1971-ci ildə Akaurt kəndində orta məktəbi bitirmişdir. Sonra Rustavi metaləritmə zavodunda fəhlə işləmiş, 1973-1975-ci illərdə hərbi xidmətdə olmuşdur. Hərbi xidmətdən tərxis olunduqdan sonra Bolnisi meşə təsərrüfatında fəhlə işləmişdir. 1975-ci ildə H.Zərdabi adına Kirovobad (indiki Gəncə) Dövlət Pedaqoji İnstitutunun kimya-biologiya fakültəsinin hazırlıq şö’bəsinə daxil olmuş, 1981-ci ildə həmin fakültədə təhsilini başa vurmuşdur. Tə’yinatla İmişli rayonunun Qaralar kənd orta məktəbində müəllim işləmişdir. 1982-ci ildə Ucar rayonunun su idarəsində kimyaçı-mühəndis işləmiş, 1983-cü ildə Azərbaycan Elmi-Tədqiqat Pambıqçılıq İnstitutunun aqrokimya ixtisası üzrə aspiranturasına daxil olmuşdur.

1984-cü ildə həmin İnstitutunun aqrokimya və torpaqşünaslıq şö’bəsində kiçik elmi işçi, 1988-ci ildən 1990-cı ilədək Azərbaycan Dövlət Kənd Təsərrüfatı Akademiyasında assistent işləmişdir.

1990-cı ildə aqrokimya ixtisası üzrə namizədlik dissertasiyasını müdafiə edərək kənd təsərrüfatı elmləri namizədi elmi dərəcəsini almışdır.

25 elmi əsərin müəllifidir. Hazırda "Azotlu gübrələrin kənd təsərrüfatı bitkilərindən ekoloji təmiz, yüksək və keyfiyyətli məhsul əldə etməyə və ekoloji şəraiti yaxşılaşdırmağa tə’siri" adlı doktorluq işi üzərində elmi axtarışlar aparır.

TENGİZXAN MUSAYEV

Tengizxan Namaz oğlu Musayev 1951-ci ildə Bolnisi rayonunun İncəoğlu kəndində anadan olmuşdur.

1959-cu ildə İncəoğlu kənd 8 illik məktəbinə getmiş, 1969-cu ildə isə Kəpənəkçi (Kvemo-Bolnisi) kənd orta məktəbini bitirmişdir.

1969-cu ildə Azərbaycan Politexnik İnstitutunun qiyabi şö’bəsinə daxil olmuş, həmin ildən də əmək fəaliyyətinə başlamışdır. Ordu sıralarında xidmət etmişdir.

1978-ci ildə Azərbaycan İnşaat Mühəndisləri institutunun əyani aspiranturasına daxil olmuş, 1982-ci ildə namizədlik dissertasiyası müdafiə etmişdir. Tengizxan Musayev 1982-ci ildən 1993-cü ilədək İnşaat Mühəndisləri İnstitutunun yol inşaat fakültəsində müəllim, baş müəllim və dosent vəzifələrində işləmişdir. Onun 20-ə yaxın elmi əsəri çap olunmuşdur.

Tengizxan Musayev Beynəlxalq, ittifaq və respublika səviyyəli 10-dan çox konfransda çıxış etmiş, məqalələr çap etdirmişdir.

O, institutun yol-inşaat fakültəsi yerli komitəsinin və gənc alimlər şurasının sədri olmuşdur.

Tengizxan Musayev 1993-cü il fevralın 27-də Bakı şəhərində vəfat etmişdir.

TOFİQ MƏMMƏDOV

Tofiq Oruc oğlu Məmmədov 1948-ci ildə Bolnisi rayonunun Darvaz kəndində qulluqçu ailəsində anadan olmuşdur. 1965-ci ildə Darvaz kənd orta məktəbini bitirdikdən sonra ADU-nun biologiya fakültəsinə daxil olmuşdur. 1970-ci ildə universiteti bitirdikdən sonra Azərbaycan SSR EA-nın Genetika və seleksiya İnsitutunda baş laborant kimi əmək fəaliyyətinə başlamışdır. Həmin ilin dekabr ayında ADU-nun biologiya fakültəsinin zəmanəti ilə EA-nın Zoologiya İnstitutunda Heyvanların genetikası laboratoriyasına istehsalatdan ayrılmaqla aspiranturaya daxil olmuşdur. Aspiranturanı bitirdikdən sonra həmin laboratoriyada elmi işçi işləmişdir. 1978-ci ildə "Azərbaycanın ev və vəhşi boru buynuzlularının müqayisəli karnologiyası (sitotaksonomiya və təkamül istiqamətlərində) " mövzusunda dissertasiya müdafiə edərək biologiya elmləri namizədi elmi dərəcəsi almışdır.

1979-cu ildə həmin institutda baş elmi işçi vəzifəsini icra etmişdir. 1985-ci ildə Azərbaycan Respublikası Müəllimlərin təkmilləşdirilməsi institutunda yeni yaradılmış kafedraya baş müəllim tə’yin olunmuşdur. 1991-ci ildə müsabiqə yolu ilə Azərbaycan Dövlət Tibb Universitetinin tibbi biologiya və genetika kafedrasına müəllim seçilmişdir. Hazırda həmin kafedrada baş müəllimdir.

Bu müddət ərzində 10-dan çox mö’təbər elmi konfranslarda mə’ruzələrlə çıxış etmişdir. 1974-cü ildə Birinci Beynəlxalq ternoloqlar (məməli heyvanları öyrənən elm) konqresində, 1978-ci ildə Moskvada keçirilən XIV Beynəlxalq genetiklər konqresində və bir çox ümumittifaq və respublika səviyyəli simpozium və konfranslarda çıxış etmişdir. Elmi işləri məməli heyvanların xromosom kompleksinin analizi əsasında təkamül və əhliləşdirmə məsələlərinin öyrənilməsinə həsr edilmişdir. Elmdə ən böyük uğuru ev qoyunlarının əcdadının və əhliləşdirilmə yerinin dəqiqləşdirilməsidir. Belə ki, Tofiq Məmmədovun tədqiqatlarına kimi ev qoyunlarının əcdadı Orta Asiya Dağlıq rayonlarında yaşayan vəhşi qoyun - arxar hesab olunurdusa, o, sübut etmişdir ki, arxar ev qoyunlarının əhlləşdirilməsi prosesində iştirak etməmişdir. Dünyada mövcud olan bütün qoyun cinslərinin hamısı eyni mənşəlidir, belə ki, cinslərin morfoloji cəhətdən bir-birilərindən kəskin fərqlənmələrinə baxmayaraq onların xromosom kompleksləri eynidir.

Tofiq Məmmədov ev və vəhşi qoyunlardan başqa keçilərin, donuzların, iribuynuzlu qaramalın və s. bir çox digər məməli heyvanların xromosom yığımlarını öyrənərək onların mənşəyi və tarixi inkişafı haqda fikirlərini 30-dan çox elmi məqalələrdə çap etdirmişdir.