BORÇALI MAHALININ EL QƏHRƏMANLARI

Mehdi ağa

Qaçağanlı Mehdi ağa dövrünün ən sayımlı, seçimli, igid və mərd, qəhrəman oğullarından idi. Qaçağanda doğulub boya-başa çatan balaca Mehdi zəmanəsinin imkanlı adamlarının ailəsində böyüyən "Ağa nəslinə" mənsubdur. Ölkədə rus qay-da-qanunu yarandıqdan (1920-1925) sonra dövlətin siyasətinə zidd çıxan və öz əmlakını, var-dövlətini Sovetlər birliyindən üstün tutan Mehdi ağa tək-tənha Türkiyənin Qars vilayətinə pənah gətirir. Dəfələrlə rus və erməni birləşmələrinə üstün gələn Mehdi ağa Qarsda ailə qurub oğul-qız sahibi olur. Mehdi ağa dünyasını dəyişəndən sonra ailədə onun davamçısı qızı Sürəyya və oğlu Azər qalmışdır. Hər iki övladı İstanbulda yaşayır. Mehdi ağanın doğma elində isə bir müddət Sarvanda (Marneuli), hazırda isə Bakıda yaşayan bacısı Sürəyya xanım yaşayır.